Ongi etorri Euskal Herrian Euskaraz atari digitalera!

Eskolak Euskaldunduk elkarretaratzea egingo du Jaurlaritzan 'Inposaketarik ez! Eredu euskalduna guztiontzat' lelopean Ostirala, 2010(e)ko otsaila(r)en 12-(e)an 15:31etan Martxoaren 3an Jaurlaritzako Hezkuntza sailburu Isabel Celaák euskalduntzea bermatuko ez eta euskararen ezagutza are eta gehiago oztopatuko duen ereduaren aurkezpena egingo die legebiltzarreko alderdi guztiei. Eskolak Euskaldundu Herri Ekimenak eraso berriari erantzuteko elkarretaratzea deitu du martxoaren 3rako 'Inposaketarik ez! eredu euskalduna guztiontzat!' lelopean, Legebiltzar aurrean, goizeko 11,00etan. Bestalde, Ikasle Abertzaleak eragileak geldialdiak egingo ditu egun horretan Gasteizen

Irakurri guztia

Euskarak oposaketetan lehendik zeukan balio urria jaisteko eskatu dute PPk eta PSEk Ostirala, 2010(e)ko otsaila(r)en 12-(e)an 14:39etan PSEk garbi utzi zuen Jaurlaritzara iritsi aurretik zein izango zen euskararekiko aplikatuko zuen politika. Euskara Askatasunean manifestua argitara eman orduko, bere babesa helarazi zien Hizkuntza Aukeratzeko Askatasunaren Aldeko Plataformako kideei zein euskara ikasteko bi urteko eszedentzia izanda, euskara ikasi nahi izan ez, eta itxialdia egin zuten irakasleei. Araba, Bizkaia eta Gipuzkoako Gobernura iritsi ahala, Rafael Bengoa Osasun sailburu berria izan zen oposaketetan euskararen balioa berraztertu beharko zela esaten lehena, eta ondoren Rodolfo Ares Barne sailburuak jarraitu zion, Ertzaintzako lanpostuetan gutxieneko hizkuntza eskakizuna "aski nahikoa" zela eta "euskadiko errealitate sozio-linguistikoarekin bat" zetorrela esanez. Oraingoan, PSE eta PPko legebiltzarkideek hartu dute lekukoa eta Jaurlaritzari eskatu diote Lan Eskaintza Publikoetan euskarak duen balioa jaisteko

Irakurri guztia

Euskal gehiengo sindikala Egunkariaren alde Ostirala, 2010(e)ko otsaila(r)en 12-(e)an 14:29etan Euskal gehiengo sindikalak Egunkaria auziko auzipetuekin bat egin du gaur Bilbon, 'Egunkaria libre' lelopean burutu elkarretaratzean. Bertan hartu dute parte ELA, LAB, EHNE, Hiru, ESK eta EILAS sindikatuetako kideek. Sindikalgintzarekin batera elkarretaratu dira hainbat herritar, batzuk ezagunak, hala nola ezker abertzaleko kide Tasio Erkizia, Aralarko Josu Murgia, Alternatibako Jonathan Martinez, zein AEK-ko Edurne Brouard eta Lutxo Egia idazleak

Irakurri guztia

Eskolak Euskaldundu Herri Ekimenak euskara ezagutzeko eskubidea defendatu du Ostirala, 2010(e)ko otsaila(r)en 05-(e)an 17:53etan Eskolak Euskaldundu Herri Ekimenak (EEHE) elkarretaratzea egin du Nafarroako Hezkuntza delegaritza parean 'Euskara ezagutzea eskubidea delako, eredu euskalduna guztiontzat' lelopean eta matrikulazio garaiaren testuinguruan. 20 minutuz dozena bat euskaltzale batu dituen elkarretaratzea bukatzear zela, EEHE-ak egiten duen egoeraren irakurketa jasotzen duen idatzia erregistratu dute Hezkuntza delegaritzan elkarretaratzetik atera diren kideek, Alberto Catalanen izenean. Hezkuntza departamenduaren jokabidea sinbolizatzen duen zimaur puska bat ere erregistratzen saiatu dira baina zinpeko zaintzaileek ez diete helburua betetzen utzi. Elkarretaratzea bukatzear zela, foruzainek identifikazioa eskatu diete parte hartzaileei, eta euskara ahoan hartu dutenean hasi dira arazoak, mehatxuak eta isunak

Irakurri guztia

Iritzia

Entzun dezatela herri honen epaia, Egunkaria libre! Igone Lamarain eta Unai Larreategi, EHEko kideak

Egunkariaren aurkako lehen epaiketa bukatzear den honetan epaiaren zai egotea baino euskaltzaleoi gure ezinegona kalean bizitzea, konpartitzea, adieraztea dagokigula uste dugu. Guztiok amesten dugu absoluzioarekin baina amestetik harago badirudi orokorrean euskaltzaleok epaituak absolbitu egingo dituztela sinesten dugula. Gure irudikoz behintzat transmititzen ari garen normalitate egoerak ez du beste arrazoirik. Baina gu behintzat ez gaude normal, ez gaude lasai eta ametsa amesgaizto bihurtzeko arriskuak sortzen digun ezinegona eta amorrua askatzeko premia latza daukagu. Horregatik Euskal Herrian Euskaraz-en, urtarrilaren 26an mobilizazio eguna egitea erabaki dugu. Egun horretan herri zein auzo ezberdinetan antolatuko diren ekimenetan parte hartzeko deia egiten dizuegu gure moduan sentitzen zareten euskaltzale guztiei.

30 urtez... Euskal Herrian Euskaraz

"Euskararik gabe, Euskal Herririk ez”

Euskal Herrian Euskaraz elkartea 1979. urteko azaroaren 4an aurkeztu genuen jendaurrean. Durangoko Azoka aukeratu genuen lehen agerpena egiteko eta “Euskararik gabe, Euskal Herririk” ez lelopean ekin genion bideari. Egun hartan, euskaldunok osatzen dugun komunitatea eta lurraldea aintzat harturik, egun oraindik gure helburu izaten jarraitzen duena plazaratu genuen: Euskal Herri euskalduna erdiestea; eta horretarako izaera erreibindikatzailea eta borrokatzailea izango genuela adostu genuen.

Gure sortze agirian jaso genituen Euskal Herrian Euskaraz gaurdaino jantzi duten printzipioak:

EHEren izaera berezia, errebindikatzailea eta borrokalaria izango da, eta beraz, ez da mugituko kulturaren edo teknikaren munduan.
Errebindikapen eta salaketa hori ekintza praktikoetan azalduko da.

EHE autonomoa izango da edozein partidu politikorekiko, eta alderdi politikoetako buruzagi-karguak dituztenak, dena dela, ez dira eragilearen zuzendaritzan egongo.

EHEko partaideek, norberaren egoeran eta partiduetan, euskararen marjinazioa salatzeko borroka gogorra egingo dute, diglosia “protesta”ren bitartez gaindituz.

Xehetasunak

Iruzkin berria (0)

Klikak: 625

Sartu komunitatera

Azken kideak

Ikusi kide guztiak

Iritzia

Euskararen ofizialtasunaz bi hitz
Reality show-ak, telesailak... Euskal Herri euskaldunaren garaia
Euskarabidearen ilunak. Sabino Cuadra eta Patxi Larrion Euskarabideko ordezkari sindikalak

Herri euskalduna berreraiki nahi dugunok sarri aipatzen dugun hitza da ofizialtasuna. Euskaraz bizi nahi eta ezina gainditzeko gako nagusi moduan kokatu izan dugu ofizialtasuna. Baina zer ulertzen dugu, zer aldarrikatzen dugu euskarak ofizialtasuna behar duela esaten dugunean? “Euskararen normalizazioa” hitz-jokoarekin gertatzen den gisara, “ofizialtasuna” terminoaren gibelean ulermen, aldarrikapen ezberdinak daude.

>> irakurri guztia

Udazkena iristearekin batera reality showak ditugu berriro ere mintzagai. Batzuk berriak, eta beste batzuk hamaikagarren edizioa betetzen dutenak, formatuz eta edukiz ez aldatuz gero, astunak bihurtzen direnak, oso.

Horietako reality showa dugu Nafar Parlamentuko Ley del Vascuencearen inguruko “eztabaida”: Lehenengo edizioan, Himalayara oporretara joan zen parlamentariak hartu zuen protagonismo osoa, eta horren ondorioz, Ley del Vascuence bezala ezagutzen duguna bere horretan mantendu zen.

>> irakurri guztia

Euskarabidea sortu zenetik gaurdaino, erakunde honen aurrekontuak nabarmen jaitsi dira, eta eginiko murrizketak beste departamentu eta sailetakoak baino puskaz handiagoak izan dira. Aurtengo aurrekontuetan, pertsonal-kostua ez beste guztiak murriztu dituzte Euskarabidean. Legediaren aldetik ere ez dugu aurrerapausorik sumatu, ez legeetan ez eta arau txikienetan ere. Hitzak bai, hitz politak entzun ditugu, "plan estrategiko" eta guzti, baina agindutakoa ez da gauzatu. Euskarabidearen politika, itxura politikoa izan da, hitz ederrak bai, baina edukirik ez.

>> irakurri guztia