Euskaraz Bizi Egun Txikia ospatuko da Beasainen (Gipuzkoa). Pilota partidarekin hasiko dute eguna, 18:00etan Nafarroa etorbideko frontoian. Binakakoan Ion Diez- Iraeta/ Urteaga- Rodrigez eta lau t'erdian Goikoetxea/ Mendia. 20:00etan kalejira eginen dute Mikelarena eta Urdangarinen trikitiek alaitua. Bukatzeko bertso afaria antolatu du EHEk. Aitor Sarriegi, Iñaki Apalategi eta Beñat Iguaranek parte hartuko dute, eta Igartza Hotelak prestatuko du afaria. Txartelek 12 euro balio dute aurretik erosita, eta 15 euro egunean bertan eskatzekotan. Arrano, Irizar eta Baxakana tabernetan eskuratu daitezke txartelak.