Euskal Herrian Euskaraz Albisteak Orokorra

Hiru, garraiolarien sindikatuak agiri bidez jakinarazitakoaren arabera, Guardia Zibilak 4.601 euroko isuna jarri dio kamioilari bati takografoaren data euskaraz idazteagatik. Euskarazko hitzik ez zen ageri takografoan, baina agertzen ziren zenbakiak euskarazko ordenean zeuden jarrita, eta ez gaztelerazkoan . Polizia militar espainolak zabaldutako diligentziaren arabera, data horiek euskaraz jartzea, "erregistro orriak faltsutzea" da. Gidariak errekurtsoa jarri dio isunari, baina Andaluziako Juntako Herri Lan eta Garraioen sailak errekurtsoa atzera bota eta Guardia Zibilaren ekinbidea babestu du.

EHEk, Euskal Herri osorako ofizialtasuna galdeginez eta 'Euskarabidea iruzurra!' zioten afitxak erakutsiz egin zion harrera Xabier Azanza, Euskarabideako zuzendariari, iragan larunbatean Tafallan burutu Kultur Zikloa ekimenaren bukaera ekitaldian. Izan ere, dirudienez, Euskarabideak beren porrota eta agerian geratu den iruzurra onartu ez eta ospakizunetarako gogoa erakutsi zuen larunbatean

Hirugarrenez ospatzen ari dira Zarautzen Euskarastea. Asteartean hasi zuten egitaraua eta iganderaino luzatuko da. Beren baitan bildu eta bilduko dira, EHE, Xakela Gaztetxe Asanblada, AEK, Txaparro Kultur Elkartea, Egunkaria Libre! eta Urola Kostako Hitzak antolatuta, Garabideren eta Kontseiluaren hitzaldi bana, Egunkaria auziaren inguruko mahaingurua, kopla txapelketa, euskarazko bideo-emanaldia eta abar luze bat