Euskal Herrian Euskaraz Albisteak Udalak

Udalerri Euskaldunen Mankomunitatearen (UEMA) Eguna ospatu zuten ehunka euskaltzalek iragan larunbatean Mallabian. 'Ein eingou' leloari jarraituz, eguraldiak lagundu ez zuen arren, egin egin zuten azkenean jaialdia ekimen bat edo beste alboratu behar izan bazuten ere. Oztopoak oztopo, UEMAtik udal euskaldunak babestuko dituen lege bat galdegin zuten. Bestalde, Xabier Mendiguren Kontseiluko Idazkari Nagusi oihari eta Iñaki Arregi zendu berri den UEMAko kideari omenaldia egin zieten

Gainean dugu aurtengo UEMA Eguna. Larunbat honetan, ekainaren 12an ospatuko du Udalerri Euskaldunen Mankomunitateak bere urteroko jaia 'ein eingou' lelopean eta egitarau oparoa prestatu du eragile euskaltzaleak bertarako. Bestalde, gaixotasun baten ondorioz asteon hil den Iñaki Arregi UEMAko kideari omenaldia egin nahi diote larunbatean. Zonalde euskaldunak babesteko eta euskaraz bizitzeko ezinbesteko tresna dugu UEMA; duela 19 urte sortu sortu zuten mankomunitatea 18 udalerri euskaldunek eta oztopoak oztopo, herri euskaldunaren bidean hainbat urrats egiteko gaitasuna erakutsi du UEMAk.

Jose Maria Gorroño Gernika-Lumoko alkateak eta Paul Bilbao, Kontseiluko idazkari nagusiak berritu dute hitzarmena. Gorroñok, Paul Bilbaori ongi etorria egiteaz gain, orain dela gutxi arte Kontseiluko Idazkari Nagusi izan den Xabier Mendigureni eskerrak eman dizkio. Bestalde, Donibane Lohizunen 85 izenpetzailek egin dute jada bat Euskaraz Bai dinamikarekin, horien artean, merkatariak, osasun arloko eragileak, banketxeak eta abar