Asteazkena, 2010(e)ko ekaina(r)en 02-(e)an 11:59etan
Egunkaria auziari buruzko beste liburu bat argitara eman berri dute asteon. Egunkaria, amets baten egia du izenburu argitalpenak, eta atzo aurkeztu zuten jendaurrean. Unibertsitateko irakasleak dira liburuaren egileak, Txema Ramirez de la Piscina, Ramón Zallo, Teresa Agirreazaldegi eta Pedro Ibarra, eta Joan Mari Torrealdairekin batera egin zuten lanaren aurkezpen gisako agerraldia. Lorea Agirre kazetariak idatzitako Gezurra ari du liburuaren atzetik, Egunkaria auziari buruz argitaratzen den bigarren liburua da honokoa, eta "amesgaiztoa hasi aurreko egiak" jasotzeko borondatearekin jaio da, hots, paraleloki eta hainbat gezur medio epaitua izan den proiektuaren hastapenari buruzko informazio osoa helarazteko asmoarekin.
Asteazkena, 2010(e)ko ekaina(r)en 02-(e)an 11:33etan
Euskaraz Bizi Eguna ospatu dute larunbat honetan Bilboko Uribarri auzoan. Horrekin batera, Uribarriko Gau-eskolaren 5. urtemuga ere ospatu dute. Bestalde, ekainaren 12an Imarkoainen dute hitzordu berria euskaltzaleek, X. Elortzibarko Euskararen Egunaren karietara. Hurrengo lerroetan dituzue, hurrenez hurren Uribarriko Euskaraz Bizi Egunaren kronika eta Elortzibarko Euskararen Egunerako gonbitea.
Asteazkena, 2010(e)ko ekaina(r)en 02-(e)an 10:43etan
Goiz partean Bermeoko zeruak euria eta eguraldi eskasa ekarri bazituen ere, milaka eta milaka euskaltzalek egin zuten bat Bizkaiko Ikastolen jaialdian parte hartzeko deialdiarekin. 'Marigoran Kikunbera' leloaren baitan, Bermeora hurbildu zirenek goraka doazen euskararen eta ikastolen aldeko mugimenduetan buruz behera murgiltzeko prest daudela irudikatu zuten, urtero bezala. Iaz Galdakaoko Ibilaldian gertatutakoaren kontrara, aurtengo hiztorduari ez zion hutsik egin Isabel Celaá Jaurlaritzako Hezkuntza sailburuak, eta ezin izan zion muzin egin bertaratutakoen kritikak entzuteari. Txaloak ere entzun zituen, egiari zor, herritarren gehiengoaren aurka Bermeo UEMAtik ateratzea erabaki zuten EAJko Jose Luis Bilbao, Bizkaiko Ahaldun Nagusiaren eta beste alderdikide zenbaiten eskutik.
Astelehena, 2010(e)ko maiatza(r)en 24-(e)an 14:01etan
30.000 euskaltzale aipatzen dituzte hainbat eta hainbat albiste iturrik. Trinitarios plazaren itxurari erreparatuta bederen, ez ziren urruti ibiliko. Batera edo bestera, milaka eta milaka izan ziren iragan igandean Iruñeko Trinitarios Euskal Eskola Publiko Berriaren alde batuz Sortzen-Ikasbatuaz elkartearen deialdiari hauspoa eman ziotenak. Festa giroa nabarmentzekoa izan zen bertaratu zen olatu euskaltzalearentzat txiki geratu plazan
Orria: 7 Guztira: 22
