Hizkuntza-politiken urtekaria 2011 aurkeztu du Euskararen Gizarte Erakundeen Kontseiluak. Ondorio argia atera dute: erroko aldaketak behar dituzte Euskal Herriko administrazioek egiten dituzten hizkuntza-politikek. Lurralde guztietan atzera urratsak eman dira 2011an, batzuetan besteetan baino gehiago.

Foruzainei euskaraz hitz egiteagatik jarritako isuna ez dute ordaindu beharko Altsasuko (Nafarroa) EHEko kideek. Bertan behera utzi dute "desobedientzia" leporatzen zien zigorra. Hala ere, oraindik 6.000 euroko isuna dute ordaintzeke, 'Ezabatu eta euskaraz bizi' ekimenaren baitan egindako ekintzengatik. Otsailaren 9an zita izanen dute Iruñeko epaitegian, eta euskaraz bizitzearen hautua aldarrikatzera joanen dira altsasuarrak.

Omenaldi hunkigarri batekin azken agurra eman zioten Txillardegiri atzo euskaltzale andanak. EHEko sortzaile eta euskaltzale handiaren omeneko ekitaldia Donostiako Victoria Eugenia antzokian antolatu zuen Ezker Abertzaleak. Euskal Herrian Euskaraz ere bertan izan zen omenaldirik beroena emateko gogoz. Han zirenek txalo zaparrada artean hartu zituzten eragile euskaltzaleko kideak, baita Igone Lamarainen hitzak ere. Oholtza gainetik politika eta kultura munduko hainbat kide pasatu ziren. Arnaldo Otegik ere egin zuen bere ekarpena kartzelatik idatzitako gutunarekin.

Faltzesen (Nafarroa) euskaraz bizi nahi dutela adierazi diote hainbat herritarrek bertako Udalari. 175 sinadura aurkeztu dituzte herriko sarreretako seinaleetan euskarazko izena agertu dadin. “Euskaldunok Faltzesen euskaraz bizitzeko eskubidea daukagula adierazi nahi dugu, Faltzes herria existitzen dela esan nahi dugu”, dio euskaltzaleek sinatutako agiriak. Seinalearena, nomalizazio bidean "lehenbiziko urratsa" izanen litzatekeela zehaztu dute.

Donostiara joan eta Euskaraz Bizi Egunean parte hartzeko deia luzatu die EHEk herritarrei. Ehunka lagunentzako herri-bazkaria eta gaueko kontzertuak egun honetako egitarau zabalaren ikur nagusiak badira ere, aurten 'Euskalduna naiz eta harro nago!' lelopean egingo den Nazio Manifestazioak protagonismo berezia izango du. Eragile euskaltzaleak esan duenez, "Euskal Herri euskaldunaren bidean urrats bat gehiago eman eta euskaraz bizi den herriaren erakusleiho izan nahi du Donostian egingo dugun Euskaraz Bizi Egunak. Jaia eta aldarrikapena uztartuz, euskaltzale andana batu nahi dugu martxoaren 17an".

2013ko Euskaraz Bizi Egunaren albisteak jasotzen dituen atala duzu honokoa. 

Izenburua: Euskalduna naiz eta arraro nago!

Antzezleak: Barry Manley “Barry Barrez” eta Aitor Txarterina “Baltziskueta”

Iraupena: Ordu bete

Saioa egiteko tokiaren ezaugarriak: Leku txikia edo ertaina, lasaia eta itxia.

Behar teknikoak: Mikrofono bi eta audioa.

Azalpena: Barry Barrezek eta Baltziskuetak hiruna bakarrizketa saio eskaintzen dizkigute Euskal Herrian Euskarazen eskutik. Umorea oinarri, euskaldun izatearen eta euskaldun jokatzearen ondorioen gainean arituko dira bi antzezleak. Horretarako, Euskaraz Bizitzearen esperientzia kontatzen dute bi umoregileek ordu
beteko saio honetan.

Kontratazioa: ehe@euskalherrianeuskaraz.org edo bakarrizketa@gmail.com

Mañeruko (Nafarroa) eskolan sartu dira hainbat euskaltzale Sortzen Ikasbatuazen deialdiari erantzunez. Hango eskola itxita dago, gurasoek D ereduan matrikulatu nahi dituztelakoz beren seme-alabak. Horrek egunero autobusa hartzera behartzen ditu.

Euskaraz bizitzeko eskubidearen eta hizkuntza politika burujabearen aldeko aldarriek Nafarroa garaia zeharkatu dute Vascuencearen Legea delakoaren 25. urtemugan. Ehunka euskaltzalek hartu dute parte EHEk deituriko 20 elkarretaratzeetan. Iruñea eta Lizarran 90 lagunen bueltan batu dira. Tafallan eta Tuteran egin direnak izan dira jendetsuenak eta 100 euskaltzale inguruk babestu du EHEren deialdia horietako bakoitzean.

Zarautzi mamia mimoz jarri nahi izan dio euskalgintzak. Horretarako, Euskarastea antolatu dute. Joan den hastean hasitakoak segida izango du asteburu honetako jardunaldiekin. Herriko kulturaz mintzatuko dira han. Euskarastea abenduaren 23ra arte luzatuko da hainbat ekimenekin.