Heldu den larunbatean egingo du UEMAk urteko batzar nagusia, eta bertan onartuko dute  Zarautz, Tolosa (Gipuzkoa), Lekeitio, Munitibar (Bizkaia) eta Lesaka (Nafarroa) Udal Euskaldunen Mankomunitateko kide izatea. Ordutik aurrera 69 herrik osatuko dute mankomunitatea.

Larunbatean hainbat euskaltzale bildu ziren herriko etxearen aitzinean Senpere herriko izen ofiziala izan dadin galdegiteko. Urte betean jasotako izenpedurak biltzen dituen txostena utzi zuten bertan. Iñaki Viquendi artista senpertarrak lagundurik performantzia artistikoa ere egin zuten salaketa gisa.

Herriko izen ofiziala Senpere izan dadin elkarretaratzea deitu du Senpereko Euskaraz Bai taldeak. Herriko Etxearen aitzinean izanen da, eta orain arte bildutako sinadurak bertan utziko dituzte.

Igantzi, Oñati, Mañaria, Ondarroa eta Gipuzkoako Getaria Udalerri Euskaldunen Mankomunitatean sartuko dira larunbatean, UEMA egunarekin batera. Gaur egun 61 udalerrik osatzen dute.

Euskara jo mugan izan du berriz ere Begoña Ganuza Lizarrako (Nafarroa) alkateak. Deialdiak eta udalbatzetako aktak euskaraz idaztearen aurka azaldu da, eta legearen aitzakia paratu du bere jarrerari zilegitasuna emateko. UPNko alkatearen erabakia salatu du Bilduk, hizkuntza eskubideak urratzen dituelako. Alderdi abertzalean eskatu zuen deialdi zein aktak bi hizkuntzetan -euskaraz eta gazteleraz- idazteko.

EAJk aspaldi hasitako bidearekin jarraitzeko hautua egin du azkenaldian. Munitibar, Etxebarri, Mendexa eta Getariaren ostean Bermeo izan zen, bertan Ibilaldiaren jaia ospatu baino egun batzuk lehenago, EAJren erabakiz UEMAtik ateratzen hurrengoa. Azkena aldiz, Arratzu izan da, eta hurrengoa, Muxika izan daiteke. Espainiako legediak Ondarroa, Lekeitio eta Azpeitian indarrez egin duena egin du borondate eta erabaki propioz EAJk. Aitzakia? Garestia ei da Udalerri Euskaldunen Mankomunitatearen kuota. Badira proiektu anitz askoz ere garestiagoak, baina estrategikoak diren heinean beharrezkoak direla esaten ez dute ba EAJkoek? Bistan da zer den estrategikoa eta garrantzitsua, eta zer ez, aipatu alderdiarentzat. Orain arte bezala, EHEk salatu du euskararen normalizazio prozesuan atzera egin dela erabaki honen bidez eta euskaraz bizitzeko ezinbesteko tresna dela UEMA adierazi du

Gainean dugu aurtengo UEMA Eguna. Larunbat honetan, ekainaren 12an ospatuko du Udalerri Euskaldunen Mankomunitateak bere urteroko jaia 'ein eingou' lelopean eta egitarau oparoa prestatu du eragile euskaltzaleak bertarako. Bestalde, gaixotasun baten ondorioz asteon hil den Iñaki Arregi UEMAko kideari omenaldia egin nahi diote larunbatean. Zonalde euskaldunak babesteko eta euskaraz bizitzeko ezinbesteko tresna dugu UEMA; duela 19 urte sortu sortu zuten mankomunitatea 18 udalerri euskaldunek etaoztopoak oztopo, herri euskaldunaren bidean hainbat urrats egiteko gaitasuna erakutsi du UEMAk.

Jose Maria Gorroño Gernika-Lumoko alkateak eta Paul Bilbao, Kontseiluko idazkari nagusiak berritu dute hitzarmena. Gorroñok, Paul Bilbaori ongi etorria egiteaz gain, orain dela gutxi arte Kontseiluko Idazkari Nagusi izan den Xabier Mendigureni eskerrak eman dizkio. Bestalde, Donibane Lohizunen 85 izenpetzailek egin dute jada bat Euskaraz Bai dinamikarekin, horien artean, merkatariak, osasun arloko eragileak, banketxeak eta abar

Nafarroako Auzitegi Nagusiak arrazoia eman dio Berako Udalari eta hemendik aurrera udalerriaren izen ofizial bakarra Bera izango da (ez elebiduna, Bera/Vera de Bidasoa) Nafarroako Gobernuak eskatzen zuen moduan

{mosimage}

{mosimage}